An ester iyo sarong kompuwestong kimikal na gikan sa asido (organiko o inorganiko) kun sain dae mababa sa sarong –OH hydroxyl na grupo iyo pigriribayan nin –O– alkyl (alkoxy) na grupo,[1] arug kan reaksyong substitusyon kan asidong karboksiliko asin alkohol. An mga glyceride iyo mga asidong mataba na ester kan glycerol; sinda iyo importante sa biyolohiya, kun sain sinda iyo saro sa mga pangenot na klase kan lipid na minabilog sa bulko kan taba nin hayop asin lanang hale sa mga gulay.
An mga ester tipikal na may mahamis na parong; itong igwa nin hababang molekular na gabat iyo harus nagagamit bilang pahamot sagkod iyo nahahanap sa mga esensyal na lana asin pheromones. Nagagamit sinda bilang halangkaw-na-gradong panunaw sa mahiwas na rango nin mga plastik, plasticizers, resins, asin lacquers,[2] sagkod iyo saro mga pinakadakulang klase nin sintetikong lubrikante sa komersyo.[3] An mga polyester iyo importante na mga plastik, na igwang mga monomero na pigsusugpon nin mga ester moieties. An mga phosphoester iyo minaporma sa likod-tulang kan mga DNA na molekula. An mga nitrate ester, arug kan nitroglycerin, iyo bistado sa karakter nindang minasabog.
© MMXXIII Rich X Search. We shall prevail. All rights reserved. Rich X Search